Abla Pokou

Jɔnni don ?

Abila Poku tun ye farafinna ka masamuso dɔ ye. A ka waati tun ye sankɛmɛ tan ni sabanan. A ye bawule masaya jɔ.

Folon, masaya caman tun bɛ Afiriki kɔnɔ. Masaya kelen tun bɛ wele ko bawule. A sigira Abila Poku fɛ. O masaya in tun bɛ sisan Togo, Gana ani Kɔnɔwari. Sani in masaya in ka kɛ, bawule siya caman tun sigilen bɛ yen. Ashanti ni Denkiyira tun ye bawule siya dɔw yɛ, u tun bɛ fanga la kosɛbɛ. Kɛlɛ tun bɛ Ashanti ni Denkiyira cɛ. Nin kɛlɛ fɛ, mɔgɔ caman bolila sisan Kɔnɔwari fɛ. Feyase kɛlɛ dɔ kɔfɛ, Denkiyiradenw fanga bɔnɛna mara la. Nin de kosɔn, Oseyi Tutu yɛ ashanti masaya jɔ, nin tun yɛ masayaba yɛ. Oseyi Tutu sara kɛlɛ dɔ fɛ, a tun b’a fɛ ka a ka masaya bonya. A saya kɔfɛ, a balimamusow denkɛw fila tun b’a fɛ ka fanga ta, o tuma o yɛ kɛlɛ kɛ. Min ye se sɔrɔ kɛlɛ la ka kɛ masa ye togo ko Opoku Ware, min bɔnɛna kɛlɛ la ka faga togo ko Dakon. Abila Poku tun ye Dakon balimamuso, a tun b’a dɔn ko masakɛ kura tun bɛ se k’a faga. Ale ye taamaɲogonw ta ka boli walasa ka o kisi masakɛ ka fanga la. A ka boli la, Abila Poku n’a taamaɲogonw y’u yɛrɛ sɔrɔ baji dɔ ɲɛ fɛ. U tun tɛ se ka tɛmɛ, bawo uruwanɛw jugu tun bɛ yan. Walasa k'o dusu suma ni k'a jama kisi ko jugu ma, Abila Poku y'a denkɛ sɔnni k'a di baji ma. O kɔfɛ, a sera Kɔnɔwari. Yen, a ye kabila kuntigiw dɔ kunbɛn. U sɔnna a ma ko a ye masakɛmuso yɛrɛyɛrɛ ye, bawo a bɛnkɛ, Oseyi Tutu tun ye masaba ye. O kɔfɛ, a kɛra masamuso ye.